Hvatberar 15 : 1 F.C Hasselhoff

4.5.2007 | 11:27

Já það blæs ekki byrlega fyrir okkur í byrjun tímabils. Menn virtust koma hálf skelkaðir til leiks og þorðu ekki almennilega í mótherjana, veit ekki hvort það hafi verið almenn hræðsla við að meiðast eða hvað. Við erum greinilega ekki vanir nógu hörðum bolta því Hvatberarnir þurftu ekki annað en koma hlaupandi í átt að mönnum og þá vorum við farnir að kjökra eins og smástelpur .

Maður leiksins var án efa Biggi sem kom sterkur inn í markið um miðjan fyrri hálfleik og varði heil 9 skot. Gunni náði svo þeim merka áfanga að skora fyrsta mark F.C. Hasselhoff í alvöru leik, átti gullfallegt skot frá ca. miðju á hægri kanntinum - setti boltann laglega yfir markmann Hvatbera sem vissi ekki hvaðan á sig stóð veðrið þar sem þetta var fyrsta skotið okkar á mark.

Annars var fyrri hálfleikur hjá okkur án efa sá arfa slakasti sem sést hefur í íslenskum fótbolta... og þá er nú mikið sagt. En okkur til hróss þá hættum við ekki heldur komum sterkari til baka í seinni hálfleik og fórum að ná aðeins saman sem lið. Það sést best á því að við fengum á okkur 10 mörk í fyrri hálfleik en "aðeins" 5 í þeim seinni, auk þess sem við skoruðum markið góða í þeim seinni líka.

Þetta verður án efa mun betra í næsta leik þar sem við verðum þá komnir í okkar eigin búninga og þurfum ekki að spila í einhverjum ÍR treyjum.

Ég kem til með að búa til statistics síðu hérna við tækifæri.

FC Hasselhoff

Flokkur: Íþróttir | Facebook

Athugasemdir

Þetta var samt hörkustuð! Ég hef trú á okkur og að næstu leikir fari betur! Ég hlakka bara til sumarsins!

Við enduðum þetta með stæl, allir með bergerinn í hönd. Takk fyrir mig!

Biggi (IP-tala skráð) 4.5.2007 kl. 13:20

Já svo þetta endaði svona vel en fall er farar heill......

Ég get ekki tekið undir það að velja markmanninn (hvorugan) mann leiksins í 15-1 tapi en þeir stóðu sig samt vel. Hins vegar vill ég tilnefna Hilmar mann leiksins fyrir að koma með drykki í hálfleik og svo BJÓRINN í lok leiks og líka fyrir að redda búningunum sem voru mun skárri en grænu vestin svo ég vel Hilmar sem mann leiksins, svo var ég líka rosalega góður.............hehehhe. nei bara djók við getum VONANDI bara orðið betri